ಏಪ್ರಿಲ್ 8 ರಂದು ಕುರಕುಂದ ಶ್ರೀ ಮರಿಯಮ್ಮ ದೇವಿ ಉತ್ಸವ

ಯಾದಗಿರಿ ಜಿಲ್ಲೆಯ ವಡಗೇರಿ ತಾಲೂಕಿನ ಕುರುಕುಂದ ಗ್ರಾಮದ ಶಾಂತಿನಗರದಲ್ಲಿರುವ ಶ್ರೀ ಮರಿಯಮ್ಮ ದೇವಿಯ ಉತ್ಸವವನ್ನು  ಏಪ್ರಿಲ್ 8 ಮಂಗಳವಾರ ನಡೆಯಲಿದೆ.

ಶ್ರೀ ಮರಿಯಮ್ಮ ದೇವಿ ಹಾಗೂ ರಗಡಪ್ಪ ಅವರ ಮೂರ್ತಿಯನ್ನು ಡೊಳ್ಳು ಹಲಿಗೆಯೊಂದಿಗೆ ಮೆರವಣಿಗೆ ಮುಖಾಂತರ ಸಂಜೆ 5 ಗಂಟೆಗೆ ಸಿಹಿ ನೀರು ಬಾಯಿಗೆ ಗಂಗಾ ಸ್ನಾನಕ್ಕೆ ತೆರಳಿ ಸದರಿ ದೇವಿಗೇ ಗಂಗಾ ಸ್ನಾನ ಮಾಡಿಸಿ ನಂತರ ಅರ್ಚಕ ಶರಣಪ್ಪ ಪೂಜಾರಿ ಮಳಗಿ ಅವರು ಶ್ರೀ ಮರಿಯಮ್ಮ ದೇವಿ ಹಾಗೂ ರಗಡಪ್ಪ ಅವರಿಗೆ ಅಲಂಕಾರ ಶೃಂಗಾರ ಮಾಡಿ ಪೂಜೆ ನೆರವೇರಿಸಲಾಗುವುದು. ಅಲ್ಲಿಂದ ಮರಳಿ ತಾಯಿಯ ಗುಡಿಗೆ ಮೆರವಣಿಗೆ ಮುಖಾಂತರ ಬಂದು ಸದರಿ ದೇವಿಯು ಸ್ಥಾನಕ್ಕೆ ಮುಟ್ಟಿದ ನಂತರ ರಾತ್ರಿ 8 ಗಂಟೆಗೆ ಪೂಜಾ ಪುರಸ್ಕಾರ ಮಾಡಿ ಎಲ್ಲರೂ ತಾಯಿಗೆ ನೈವಿದ್ಯ ಕಾಯಿ ಕರ್ಪೂರ ಅರ್ಪಿಸುವರು ಮತ್ತು ಏಪ್ರಿಲ್ 9 ರಂದು ಮುಂಜಾನೆ 11 ಗಂಟೆಯಿಂದ ಸಂಜೆ 5 ರ ವರೆಗೆ ಊಟದ ವ್ಯವಸ್ಥೆ ಇರುತ್ತದೆ. ಈ ಸಂಬಂಧ ಸುತ್ತಮುತ್ತ ಗ್ರಾಮದ ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ತಾಯಿ ಆಶೀರ್ವಾದ ಪಡೆಯಬೇಕೆಂದು ದೇವಿ ಸಮಿತಿ ಮನವಿ ಮಾಡಿದೆ.