ಗುಜರಾತಿನ ಮದುವೆ ಮನೆಯಲ್ಲಿ 500 ರೂ. ನೋಟುಗಳ ಸುರಿಮಳೆ; ನೋಟಿಗಾಗಿ ಮುಗಿಬಿದ್ದ ಜನ; ವೀಡಿಯೊ ವೈರಲ್

ಅಹ್ಮದಾಬಾದ್: ಮದುವೆಯ ಮನೆಯಲ್ಲಿ 500 ರೂ. ನೋಟುಗಳ ಸುರಿಮಳೆಯಾದರೆ ಜನ ಏನು ಮಾಡಬಹುದು...! ಅಂಥದ್ದೇ ಒಂದು ಘಟನೆ ಗುಜರಾತ್​ನ ಮೆಹಸಾನ ಜಿಲ್ಲೆ ಕೇಕ್ರಿ ತಾಲೂಕಿನ ಅಗೋಲ್ ಎಂಬ ಗ್ರಾಮದಲ್ಲಿ ಘಟನೆ ನಡೆದಿದೆ.

ಮಾಜಿ ಗ್ರಾ.ಪಂ. ಅಧ್ಯಕ್ಷ ಕರೀಮ್ ಯಾದವ್ ಎಂಬಾತ ತನ್ನ ಸಂಬಂಧಿಕ ರಜಾಕ್​ಎಂಬವನ ಮದುವೆಯಲ್ಲಿ ಮನೆಯ ಮೇಲಿಂದ ಮದುಮಗ ಮೆರವಣಿಗೆಯಲ್ಲಿ ಹೋಗುತ್ತಿದ್ದಂತೆಯೇ ಹಣವನ್ನೆಲ್ಲ ಎಸೆದಿದ್ದಾನೆ. 

500 ರೂ ಮುಖಬೆಲೆಯ ನೂರಾರು ನೋಟುಗಳನ್ನು ಎರಚುತ್ತಿದ್ದಂತೆಯೇ ಮಾಡುವೆ ಮನೆಯಲ್ಲಿದ್ದ ಜನ ಈ ನೋಟುಗಳನ್ನು ಬಾಚಿಕೊಳ್ಳಲು ಎಡತಾಕುತ್ತಿರುವ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಈಗ ವೈರಲ್ ಆಗಿವೆ.